Android AppiOS App

لندن نہ آئیں کیونکہ یہاں پر۔۔۔نوازشریف نے شاہد خاقان عباسی کو اپنے پاس آنے سے منع کردیا

  ہفتہ‬‮ 2 جنوری‬‮ 2021  |  16:03

نوازشریف نے شاہد خاقان عباسی کو لندن نہ آنے کا مشورہ دیا ہے جبکہ شاہد خاقان عباسی جمعے کو وطن واپس لوٹیں گے۔ روزنامہ جنگ میں صالح ظافر کی شائع خبر کے مطابق سابق وزیراعظم اور پی ڈی ایم کے سیکرٹری جنرل شاہد خاقان عباسی اپنی بیمار ہمشیرہ اور بہنوئی سے ملاقات کے بعد جمعے کو واشنگٹن سے

واپس آرہے ہیں۔ ان کا نام ای سی ایل میں ہے اور انہیں 15 روز کے لیے بیرون ملک جانے کی اجازت دی گئی تھی۔ وہ گزشتہ اتوار کو واشنگٹن کیلیے روانہ ہوئے تھے، دریں اثنا ذرائع نے بتایا ہے کہ سابق وزیراعظم نوازشریف نے شاہد خاقان عباسی سے رابطہ کرکے ان کی ہمشیرہ اور بہنوئی کی صحت سے متعلق بات چیت کی، جنہیں کوروناوائرس کی وجہ سے فلوریڈا

منتقل کیا گیا تھا۔ شاہد خاقان عباسی کے بہنوئی جہانزیب عباسی گزشتہ پانچ ہفتوں سے وینٹیلیٹر پر تھے۔ جب کہ اب انہیں فلوریڈا میں آکسیجن سپورٹ پر رکھا گیا ہے۔ ذرائع کا کہنا تھا کہ نوازشریف نے شاہد خاقان عباسی سے کہا ہے کہ وہ واپسی پر لندن نہ آئیں کیوں کہ وہاں کوروناوائرس کنٹرول سے باہر ہوچکا۔

انٹرنیٹ کی دنیا سے ‎‎

دن کی زیادہ پڑھی گئیں پوسٹس‎