Android AppiOS App

جہانگیر ترین کے عمران اینڈ کمپنی پر الزامات ۔۔۔۔۔ عمران خان سے دوری کی اصل وجہ کا انکشاف بھی کردیا

  بدھ‬‮ 14 اکتوبر‬‮ 2020  |  16:25

وزیر اعظم کے مشیر شہزاد اکبر نے جہانگیر ترین کے ان الزامات کو مسترد کردیا ہے جن میں ترین نے اپنے خلاف مہم چلانے کیلئے وزیر اعظم ہاؤس میں ایک گروپ پر الزام لگایا تھا۔فواد چوہدری کا کہنا ہے کہ پاکستان تحریک انصاف کیلئے جہانگیر ترین کا حصہ بہت بڑا ہے۔ ذرائع نے بتایا کہ دو سرکاری محکمے، جو کسی

دفاعی تنظیم یا افواج سے منسلک نہیں، جہانگیر ترین ، ان کے کنبہ کے افراد اور ان کے کاروباری مفادات کی نگرانی کئی ہفتوں تک کرتے رہے۔ایک محکمہ کو تفتیش کا حکم دیا گیا اور دوسرے کو نگرانی کی سرگرمیاں انجام دینے کا اختیار حاصل ہے۔ذرائع نے بتایا کہ اسلام آباد اور لودھراں میں جہانگیر ترین کی رہائش گاہوں کے ساتھ ساتھ ان کی شوگر ملوں اور

دیگر کاروباری مفادات کی نگرانی کی گئی۔ذرائع کے مطابق سیاست دانوں ، تاجروں اور دوستوں سے ملاقاتوں سمیت ترین کی سرگرمیوں کی نگرانی کی گئی اور ان کے فون کالز ٹیپ کیے گئے جبکہ گھر کے تمام افراد کی فون کالز ریکارڈ کی گئیں۔جب جہانگیر ترین سے ان کے اہل خانہ اور ان کے کاروبار کی نگرانی کے سلسلے میں سوالات پوچھے گئے تو وہ تفصیلات میں نہیں گئے لیکن انہوں نے اپنے اہل خانہ کی نگرانی سے انکار نہیں کیا۔تاہم جہانگیر ترین نے الزام لگایا کہ انہیں بلا وجہ نشانہ بنایا گیا اور انھیں بدنام کیا گیا۔انہوں نے کہا کہ وزیر اعظم ہاؤس میں ایک گروپ نے ان کے اور وزیر اعظم عمران خان کے

مابین غلط فہمی پیدا کرنے کے لئے سب کچھ کیا ہے۔ اس سے پہلے ترین وزیر اعظم کے پرنسپل سکریٹری اعظم خان پر ان کے خلاف غلط معلومات اور تنگ کرنے کی مہم کی قیادت کرنے کا الزام عائد کرچکے ہیں.دوسری جانب ایک خبر کے مطابق مشیرپارلیمانی امور ڈاکٹر بابر اعوان نے کہا ہے کہ 8سے 10دن میں دو بڑی چوریاں سامنے آنے والی ہیں ‘قوم حیران ہو جائے گی کس قدر بڑی واردات کی گئی ہے۔ایک چوری 25 ارب روپے تک کی بھی کی گئی ہے‘نواز شریف کی وطن واپسی کیلئے پاکستان اور برطانیہ کے درمیان اعلیٰ سطح کے رابطے جاری ہیں‘ایکسٹراڈیشن پر متعلقہ حکام سے رابطے جلد منظر عام پر آ جائیں گے۔منگل کو ایک انٹرویو میں ڈاکٹر بابر اعوان نے کہا کہ نواز شریف کی وطن واپسی کیلئے 3مراحل میں کام ہو رہا ہے۔حکومت کی جانب سے باضابطہ درخواست کی گئی ہے،اسی ماہ ہندوستان کے ایک اور ٹیکس چور کی

ایکسٹرڈیشن کاعمل مکمل ہوا ہے۔

انٹرنیٹ کی دنیا سے ‎‎

دن کی زیادہ پڑھی گئیں پوسٹس‎