Android AppiOS App

زندگی بھر کوئی فیس نہیں،معروف بینک نے زبردست فیچرز والے کریڈٹ کارڈز متعارف کروادئیے

  جمعہ‬‮ 17 جولائی‬‮ 2020  |  11:33

سعودی عرب میں ریاض بینک نے سالانہ فیس کے بغیر کریڈٹ کارڈز متعارف کروا دیئے ہیں جبکہ کریڈٹ کارڈز میں مختلف فیچرز بھی شامل کیے گئے ہیں۔سعودی میڈیاکے مطابق سعودی عرب میں ریاض بینک نے سالانہ فیس کے بغیر مختلف قسم کے کریڈٹ کارڈز متعارف کروائے ہیں۔ بینک نے کریڈٹ کارڈز میں متعدد خصوصیات

رکھی ہیں، مثلاً کوئی بھی کھاتے دار سالانہ فیس ادا کیے بغیر مفت کریڈٹ کارڈ حاصل کر سکتا ہے اور اسے زندگی بھر کوئی فیس ادا نہیں کرنا ہوگی۔دوسری خصوصیت یہ ہے کہ ہوائی اڈوں پر وی آئی پی لاؤنج تک مفت رسائی حاصل ہوگی۔ مختلف پیشکشوں اور رعایتوں سے فائدہ حاصل کیا جا سکے گا۔ریاض بینک کے کریڈٹ کارڈز کی ایک خصوصیت یہ بھی ہے کہ قسطوں پر اشیا فروخت کرنے والے

پروگرام سے فائدہ اٹھایا جا سکے گا۔ عام طور پر قسط والے پروگرام میں ادائیگی کی سہولت ہوتی ہے اور اس سلسلے میں لچک دار پالیسی اپنائی جاتی ہے۔سالانہ منافع زیرو پوائنٹ سے چلتا ہے جو نہایت معمولی ہے، ایک اور اہم فیچر یہ ہے کہ مارکیٹنگ کے دوران دھوکہ دہی کی وارداتوں سے کریڈٹ کارڈ محفوظ رہتا ہے۔ ریاض بینک نے کریڈٹ کارڈز صارفین کی ضروریات کو مدنظر رکھ کر ڈیزائن کیے ہیں۔

انٹرنیٹ کی دنیا سے ‎‎

دن کی زیادہ پڑھی گئیں پوسٹس‎