اللہ واسطے میں آپ کی منت کرتا ہوں اور۔۔۔! تحریک انصاف کے پنجاب کیلئے نامزد وزیراعلیٰ کس کی منتیں کرتے رہے؟ ویڈیو سوشل میڈیا پر وائرل ہو گئی

  ہفتہ‬‮ 18 اگست‬‮ 2018  |  22:26

اسلام آباد  وزیراعظم عمران خان کی جانب سے پنجاب کی وزارتِ اعلیٰ کے لیے نامزد کیے جانے والے امیدوار عثمان بزدار کا اعلان ہوتے ہی ان پر تنقید کا آغاز ہو گیا ہے، نامزد وزیراعلیٰ عثمان بزدار میڈیا کے تبصروں میں ہیں، عثمان بزدار کے متعلق قتل کیس میں دیت دے کر بری ہونے کی خبریں سامنے آ رہی ہیں تو دوسری جانب نیب میں کیسز کا ذکر چل رہا ہے اور کبھی ان کے گھر میں بجلی ہے یا نہیں اس کا ثبوت سامنے لایا جا رہا ہے، ایک طرف ان تبصروں کا

سلسلہ جاری ہےتو

دوسری جانب سوشل میڈیا پر ایک ویڈیو سامنے آئی ہے جس میں ایک شخص چیئر لفٹ پر چیختا چلاتا سنائی دے رہا ہے اور یہ کہا جا رہا ہے کہ یہ نامزد وزیراعلیٰ پنجاب سردار عثمان بزدار ہیں۔ اس شخص کو نامزد وزیراعلیٰ عثمان بزدار قرار دیا جا رہا ہے، وہ اس ویڈیو میں کہہ رہے ہیں کہ اللہ کا واسطہ ہے، آپ کی منت کرتا ہوں، یہ اونچا ہو رہا ہے، اسے سمجھائیں یار، ہیلو۔۔۔۔۔بھائی نہیں اوئے، آپ کی منت کرتا ہوں، جب ایک شخص کہتا ہے کہ آپ پاؤں اوپر رکھ لیں تو وہ شخص کہتا ہے کہ پاؤں نہیں اٹھاؤں گا، میں گرجاؤں گا، میں مر جاؤں گا، اور اوئے ندیمے کی آواز نکالتا ہے۔

اس ویڈیو پر مختلف تبصرے سامنے آ رہے ہیں، ان میں صحافی اجمل جامی نے لکھا کہ یار معصوم بندہ ہے بے چارہ۔ اپنے ایک اور ٹوئیٹ میں انہوں نے کہا کہ ’’ایکروفوبیا ایک مرض ہے، مذاق تو نہ اڑائیں یار معصوم انسان کا۔ سوشل میڈیا پر اپنے خلاف ہونے والے پروپیگنڈے اور اس ویڈیو کے بارے میں پنجاب کے نامزد وزیراعلیٰ عثمان بزدار نے اپنے پیغام میں کہا کہ میڈیا پر جو میرے متعلق پروپیگنڈا جاری ہے، میں اس کی مذمت کرتا ہوں، میرا دامن اللہ کے فضل و کرم سے بالکل صاف ہے، مجھ پر بننے والا قتل کا مقدمہ بالکل جھوٹا تھا، نہ ہی میرے اوپر کوئی نیب کا مقدمہ ہے، اس کے علاوہ سوشل میڈیا پر وائرل ویڈیو میں بھی کسی اور شخص کو مجھ سے منسوب کیا جا رہا ہے۔

دن کی زیادہ پڑھی گئیں پوسٹس‎