سورۃ یٰسین کو قرآن پاک کا دل قرار دیا گیا ہے ، اس سورۃ کی اللہ کے نزدیک بہت اہمیت ہے اور اس کو پڑھنے کا بہت زیادہ اجروثواب رکھا گیا ہے، بعض روایات میں آتا ہے کہ ایک دفعہ سورۃ یٰسین پڑھنے سے 10 قرآن پاک پڑھنے کے برابر ثواب ملتا ہے، ثواب کے علاوہ انسانی زندگی پر بھی اس سورۃ کے انتہائی خوبصورت اثرات

جن میں سے چند ایک کا ذیل میں ذکر کر رہے ہیں۔بے اولاد خواتین کے لئے یٰسین کا وظیفہ اولاد کے حصول کا باعث بنتا ہے ۔ اگر کسی کے ہاں اولاد نہ ہوتی ہو تو اسے چاہیے کہ جمعہ کی نماز کے بعد باوضو حالت میں مرتب ہوتے ہیں 11 مرتبہ یٰسین پڑھے اور پھر انتہائی رقت اور عاجزی کے ساتھ اپنا سرسجدے میں رکھ کر رب تعالیٰ کی بارگاہ میں اولاد کیلئے دعا مانگے۔ حق تعالیٰ نے چاہا تو جلد ہی مراد برآئے گی اور تب تعالیٰ نیک اور صالح اولاد سے نواز ے گا۔ اگر مراد پوری ہونے کی امید پیدا ہو جائے تو اس عمل کو ترک نہ کرے بلکہ جاری رکھے۔جائز انصاف کے حصول کیلئے اور مقدمے میں کامیابی حاصل کرنے کیلئے فجر کی نماز کے بعد گیارہ مرتبہ یاسین پڑھیں اور پھر تاریخ پر جائیں۔ تاریخ پر عدالت کی طرف جاتے ہوئے دل میں یاسین کا ورد کرتے رہیں اور منصف کے سامنے پیش ہونے پربھی دل میں یاسین کا وظیفہ جاری رکھیں۔حق تعالیٰ نے چاہا تو انصاف کے حصول میں کامیابی ہو گی اور فیصلہ حسب منشاءہو گا۔ یاسین کے پڑھتے رہنے سے منصف کی طرف سے بے انصافی اور غلط فیصلہ دیئے جانے کا خدشہ بھی جاتا رہے گا۔کاروبار کرنے والے افراد کے لئے ہر روز باوضو ہو کر سورہ یٰسین پڑھنا کاروباری مشکلات کو ختم کرتا ہے۔

اس مقصد کیلئے ہر روز کاروبار کے مقام یعنی دکان، کارخانہ وغیرہ میں داخل ہو کر صبح سب سے پہلے یٰسین پڑھیں اور پھر کاروباری معاملات کی ابتدا کریں۔اس سے کاروبار میں ترقی کا سامان پیدا ہو گا اور کاروبار میں برکت پیدا ہو جائے گی۔ پردہ غیب سے رب تعالیٰ گاہک بھیج کر کاروبار کی ترقی و غیروبرکت کا سامان مہیا کرے گا۔اگر کسی پر کوئی جھوٹا الزام لگ جائے اور کوئی بھی خلاصی کا سامان نہ پیدا ہو رہا ہو۔ ہر شخص اسے قصور وار سمجھ رہا ہو تو اس پریشانی سے نجات حاصل کرنے کیلئے فجر کی نماز کے بعد اسی جگہ پر باوضو بیٹھ کر 11 مرتبہ یٰسین پڑھ کر رب تعالیٰ سے دعا مانگے۔حق تعالیٰ نے چاہا تو گیارہ دنوں میں ہی مطلوبہ مقصد حاصل ہو گا اور جھوٹے الزام سے بریت ہو جائے گی۔ جھوٹا الزام لگانے والا شرمندہ اور ذلیل ہو گا۔جس پر الزام لگا ہو گا، اس کی عزت میں اضافہ ہو جائے گا اور اس کی پریشانی و مشکل حل ہو جائے گی۔ خلوص نیت کے ساتھ یٰسین کا ورد کرنے سے پہلے تین دنوں میں ہی اچھا نتیجہ نکل آتا ہے